«Ўзархив» агентлиги тизимидаги архив муассасаларида фаолият юритаётган хотин-қизлар иштирокида “Коррупцияга қарши биргаликда курашамиз” мавзусида семинар-тренинг ташкил этилди.
2026-04-07 14:00:00 / Янгиликлар
«Ўзархив» агентлиги тизимидаги архив муассасаларида фаолият юритаётган хотин-қизлар иштирокида “Коррупцияга қарши биргаликда курашамиз” мавзусида семинар-тренинг ташкил этилди.
Мазкур тадбир коррупциянинг олдини олиш, унинг салбий оқибатлари ҳақида хабардорликни ошириш ҳамда ходимларнинг ҳуқуқий маданиятини юксалтиришга қаратилди. Семинар давомида иштирокчиларга коррупциянинг моҳияти, унинг жамият тараққиётига салбий таъсири, шунингдек, ушбу иллатга қарши курашишнинг самарали усуллари ҳақида батафсил маълумотлар берилди.
Интерактив руҳда ўтказилган семинар жараёнида коррупция турлари, глобал ва маҳаллий статистика, манфаатлар тўқнашуви ҳамда мансаб ваколатларини суиистеъмол қилиш каби долзарб масалалар кенг муҳокама қилинди. Шунингдек, роль ўйинлари ва “Қарор қабул қил” номли амалий машғулот орқали иштирокчилар реал ҳаётда учраши мумкин бўлган коррупцион вазиятларга нисбатан тўғри ёндашув кўникмаларини мустаҳкамлашди.
Тадбир якунида иштирокчилар коррупцияга қарши курашишда ҳар бир фуқаронинг ўрни ва масъулияти муҳим эканлигини алоҳида таъкидлаб, ушбу йўналишда янада фаол бўлишга чақирилди.
Ушбу семинар-тренинг коррупцияга қарши курашишда билим ва ҳуқуқий онгни оширишга хизмат қилувчи муҳим амалий ташаббус бўлди.