Тўрақўрғон туманида ҳосилдан бўшаган майдонларга ғалла экиш ишлари давом этмоқда
2026-10-12 10:00:00 / Новости
Туманда жорий йилда 4526 гектар майдонга ғалла экилади. Шундан 3200 гектари пахтадан бўшаган ва 1326 гектари очиқ майдонлар ҳиссасига тўғри келади. Ҳозиргача 2000 гектардан ортиқ майдонга бошоқли дон уруғи қадаб бўлинди.
Туман ҳокими Шерали Қосимов "Комилов Турсунбой", "Дониёрбек, Сардорбек" фермер хўжаликларида ғалла экиш жараёнларини кўздан кечирди. Аввало, ерни маромида тайёрлаш, сифатли ва ҳосилдор буғдой навларини танлаш, томчилатиб суғориш технологиясини кенг жорий этиш бўйича керакли тавсиялар берилди.
Мамлакатимизда ғалла мустақиллигига эришилиши фермерлар имкониятини кенгайтириб, тажрибасини бойитмоқда.