Jáne bir "Shańaraq hám hayal-qızlar mákanı" jumıs basladı
2025-10-27 12:00:00 / Jańalıqlar
Bas ministrdiń orınbasarı - Shańaraq hám hayal-qızlar komitetiniń baslıǵı Zulayho Mahkamova Qaraqalpaqstan Respublikası Ministrler Keńesi Baslıǵınıń orınbasarı Mayram Ahmedova menen birgelikte Kegeyli rayonı "Nurlı bostan" máhállesinde jańadan shólkemlestirilgen "Shańaraq hám hayal-qızlar orayı"nıń ashılıw máresiminde qatnastı.
Onda shıǵıp sóylegenler bul orayda shańaraqlardaǵı tatıwlıq, tınıshlıq, awızbirshilikti saqlawday iygilikli maqsetler jolında jańa ǵana ómir bosaǵasına qádem qoyıp atırǵan jaslarımızdıń bilim alıwına tilekleslik bildirdi.
Endi "Shańaraq hám hayal-qızlar orayı" rayonda analıqtı hám balalıqtı qorǵaw, salamat turmıs tárizin úgit-násiyatlaw, isbilermenlikti qollap-quwatlaw, zorlıqtan jábir kórgen hayal-qızlar hám olardıń shańaraq aǵzaları menen islesiw, shańaraqlıq ajırasıwlardıń aldın alıw hám kelispewshilikli shańaraqlar menen islesiw sıyaqlı tiykarǵı wazıypalardı ámelge asıradı.