Aymaqlardı rawajlandırıw
Orınlarda sociallıq hám ekonomikalıq rawajlanıw pátlerin jedellestiriw, bul baǵdarda jergilikli basqarıwdı "xalıq hám isbilermenler máplerine xızmet etiw" principi tiykarında jetilistiriw, áhmietli mashqalalardıń tez sheshimin tabıwda rayon (qala) hákimlikleriniń wákilliklerin hám finanslıq imkaniyatların keńeytiw, sonday-aq, "Ózbekstan - 2030" strategiyasında belgilengen tiykarǵı wazıypalardı izbe-iz ámelge asırıw maqsetinde Ózbekstan Respublikası Prezidentiniń 2025-jıl 21-oktyabrdegi "Aymaqlardı turaqlı sociallıq-ekonomikalıq rawajlandırıw ushın rayon (qala) hákimlikleriniń jumısın túp-tiykarınan jetilistiriwge baylanıslı qosımsha ilajlar haqqında"ǵı PP-186-sanlı Pármanına qol qoyıldı.
Mámleketimizde jedel demografiyalıq hám ekonomikalıq ósiw sharayatında turaq jay qurılısı hám qala qurılısı boyınsha iri baǵdarlamalar ámelge asırılmaqta. Sonıń ishinde, jańa qala - "Jańa Tashkent" qurılmaqta, iri aymaqlıq oraylar millionlı qalalarǵa aylandırılmaqta.
2026-jılı Ózbekstanda aymaqlardı sistemalı rawajlandırıw, kámbaǵallıqtı túp-tiykarınan qısqartıw hám isbilermenlik subektlerine sharayat jaratıw baǵdarında bir qatar áhmiyetli qararlar, pármanlar hám mámleketlik baǵdarlamalar qabıl etildi.
Ózbekstan Respublikası Prezidentiniń 2026-jıl 5-fevraldaǵı "2026-jılda aymaqlardı jańasha qatnas tiykarında rawajlandırıw arqalı xalıqtıń dáramatın arttırıw, turaqlı jumıs orınların jaratıw hámde kámbaǵallıqtı qısqartıw is-ilajları haqqında"ǵı PQ-49-sanlı Qararı qabıl etilgen bolıp, oǵan bola tiykarǵı maqsetli kórsetkishler qatarında tómendegiler de belgilep qoyılǵan: 37 awır kategoriyadaǵı rayonlarda kámbaǵallıq dárejesin keminde 2 esege qısqartıw hám Jańa Ózbekstan kórinisindegi 33 rayon hám qalanı kámbaǵallıq hám jumıssızlıqtan jıraq aymaqqa aylandırıw.
