Gaz qazıp alıwdıń kólemin arttırıw hám tarawdı transformaciyalaw boyınsha rejeler kórip shıǵıldı

Energetikalıq qáwipsizlikti támiyinlew hám ekonomika tarmaqlarına energiya resursların úzliksiz jetkerip beriw elimiz rawajlanıwınıń áhmiyetli faktorlarınan bolıp esaplanadı. Usı kózqarastan, gaz tarawında óndiris nátiyjeliligin arttırıw, zamanagóy texnologiyalardı keńnen engiziw hám geologiyalıq-izlew jumısların kúsheytiwge ayrıqsha itibar qaratılmaqta.

Prezentaciyada “Ózbekneftgaz” akcionerlik jámiyetiniń aldında turǵan eń tiykarǵı wazıypa tábiyǵıy gaz rezervlerin arttırıw hám qazıp shıǵarıwdıń kólemin kóbeytiw ekeni atap ótildi. Kompaniya kúnlik gaz qazıp shıǵarıw kólemin 66 million kub metrden 70 million kub metrge kóbeytiw, usı jılı keminde 25,4 milliard kub metr gaz qazıp shıǵarıw ilajların kóriwi zárúr ekenligi atap ótildi.
Bar imkaniyatlardı iske qosıw boyınsha usınıslar kórip shıǵıldı.

Gaz rezervlerin ósiriw ushın jańa perspektivalı investiciyalıq bloklardı qáliplestiriw, investorlarǵa berilgen ayırım maydanlarda bolsa jumıslardı jedellestiriw hám nátiyjeliligin arttırıw zárúr ekenligi kórsetip ótildi.

Neft islep shıǵarıw házirgi waqıtta quwatlılıqtıń 70 procentinde ámelge asırılıp atırǵanı, ónim bolsa 50 procent arzan bahalarda eksport etilip atırǵanı kórsetip ótildi. Neftten polimer ónimlerin islep shıǵarsa, qosımsha qundı 6 esege arttırıw imkaniyatı bar ekenligin esapqa alıp, bar quwatlıqlardı tolıq iske qosıw ilajların kóriw tapsırıldı.
“Ózbekneftgaz”dıń finanslıq jaǵdayın jaqsılaw ilajları da kórip shıǵıldı.
Májiliste neft-gaz tarawında urlıq hám korrupciya jaǵdaylarına qarsı gúresiw máselesine ayrıqsha itibar qaratıldı.
“Ózbekneftgaz”dıń finanslıq jaǵdayın jaqsılaw ilajları da kórip shıǵıldı.

Májiliste neft-gaz tarawında urlıq hám korrupciya jaǵdaylarına qarsı gúresiw máselesine ayrıqsha itibar qaratıldı.
Tarawdaǵı korrupciyalıq qáwip-qáterlerdiń aldın alıw maqsetinde “Ózbekneftgaz” strukturasında baslıqtıń ayrıqsha orınbasarı lawazımı kirgizilip, komplaens hám korrupciyaǵa qarsı ishki qadaǵalaw xızmeti shólkemlestirildi. Sistemadaǵı hár qanday nızamsız jaǵdaydı jedel anıqlaw hám aldın alıw boyınsha nátiyjeli sistema jaratıw wazıypası qoyıldı.

Prezidentimiz neft-gaz tarawında transformaciyanı tereńlestiriw, gaz rezervlerin hám qazıp alıw kólemlerin arttırıw, finanslıq tártipti kúsheytiw boyınsha juwapkerlerge tiyisli tapsırmalar berdi.