Ekonomika hám Qarjı

Ózbekstan Respublikası Ministrler Kabinetiniń “2025-2027 jıllarda mámleketlik satıp alıwlar sistemasın jánede jetilistiriw hám rawajlandırıw strategiyasın tastıyıqlaw tuwralı” 2024-jıl 20-dekabrdegi 865-san qararı qabıl etildi.

Bul Strategiyanıń maqseti 2025-2027-jıllar dawamında "jasıl" mámleketlik satıp alıwlardıń úlesin arttırıwǵa qaratılǵan mámleketlik satıp alıwlar siyasatın belgilew, sonday-aq, ekonomikalıq ósiw ushın turaqlı, keń kólemli, básekige tiykarlanǵan mámleketlik satıp alıwlar sistemasın jetilistiriw hám rawajlandırıwdan ibarat.

Ózbekstan Respublikası Ministrler Kabinetiniń 2025-jıl 8-apreldegi "2025-2030-jıllarǵa mólsherlengen mámleket qarjıların basqarıw sistemasın jetilistiriw strategiyasın tastıyıqlaw haqqında"ǵı 210-sanlı qararı qabıl etildi.

2025-jıl 21-aprelde "2025-jılǵa mólsherlengen menshiklestiriw baǵdarlaması haqqında" Prezident pármanı qabıl etildi.

Milliy statistika komitetiniń dáslepki maǵlıwmatlarına bola, 2026-jıldıń yanvar-mart aylarında kórsetilgen bazar xızmetleriniń kólemi 293 605,1 mlrd. sumdı quraǵan. 2025-jıldıń yanvar-mart aylarına salıstırǵanda kórsetilgen bazar xızmetleriniń kólemi real kólemde 16,1% ke arttı.

2026-jıldıń yanvar-mart aylarında kórsetilgen bazar xızmetleri kóleminiń ósiwinde sawda, finanslıq hám transport xızmetleriniń ósiwi tiykarǵı faktor bolǵan.

2025-jıldıń yanvar-mart aylarına salıstırǵanda 2026-jıldıń yanvar-mart aylarında finanslıq xızmetler kólemi 10 263,2 mlrd. sumǵa artıp, 46 796,4 mlrd. sumǵa jetti. Ósiw páti 122,4% ti quradı.

Bazar xızmetleriniń ulıwma ósiwine sawda xızmetleri (19,4%ke ósip, ulıwma ósiwge qosqan úlesi 4,9 b.b.), qarjı xızmetleri (22,4%ke, 3,4 b.b.), transport xızmetleri (13,2%ke, 2,3 b.b.), jasaw hám awqatlanıw xızmetleri (8,6%ke, 1,4 b.b.), baylanıs hám málimleme xızmetleri (17,0%ke, 1,3 b.b.), bilimlendiriw tarawındaǵı xızmetler (22,5%ke, 0,8 b.b.), basqa da xızmetler (13,7%ke, 0,6 b.b.), sonday-aq, kóshpes múlk penen baylanıslı xızmetler (15,0%ke, 0,4 b.b.) eń kóp úles qosqan. Arxitektura, injenerlik izleniwleri, texnikalıq sınawlar hám tallaw (18,1 procent), ijara (15,3 procent), kompyuter hám turmıslıq tovarlardı ońlaw (12,5 procent), densawlıqtı saqlaw (12,0 procent) hám jeke xızmetler (10,7 procent) tarawlarındaǵı xızmetlerdiń ósiwi qosımsha túrde ósimge derlik 1,0 p.p. qosqan.

2026-jıldıń úyrenilip atırǵan dáwirinde kishi isbilermenlik subektleri tárepinen kórsetilgen bazar xızmetleriniń kólemi 168 125,2 mlrd. sumdı yamasa jámi bazar xızmetleriniń 57,3% in quradı. 2025-jıldıń yanvar-mart aylarına salıstırǵanda ósiw páti 116,5 procentti quradı.

Milliy statistika komitetiniń dáslepki maǵlıwmatlarına bola, 2026-jıldıń yanvar-mart aylarında Ózbekstan Respublikasınıń jalpı ishki ónimi (JIÓ) kólemi aǵımdaǵı bahalarda 447,9 trillion sumdı qurap, 2025-jıldıń sáykes dáwirine salıstırǵanda real kólemde 8,7 procentke ósken.

Ekonomikalıq ósiw pátleri ekonomikanıń tiykarǵı tarmaqlarındaǵı unamlı dinamikaǵa baylanıslı. Sonıń ishinde, onıń barlıq tarmaqları tárepinen jaratılǵan jalpı qosımsha qun ulıwma jalpı ishki ónimniń 95,4 procentin quraǵan hám 8,7 procentke ósken (jalpı ishki ónimniń ósiwine qosqan úlesi - 8,4 procent punkt). Jalpı ishki ónim quramında ónimlerge salınǵan sap salıqlar 4,6 procentti qurap, 8,2 procentke ósiwdi kórsetti (jalpı ishki ónimniń ósiwine qosqan úlesi - 0,3 procent punkt).