O‘zbekiston Respublikasi Oila va xotin-qizlar qo‘mitasi

Tadbirda  ta’lim, fan, madaniyat, kommunikatsiya va axborot sohalarida gender tengligini ta’minlash bo‘yicha ilg‘or xalqaro tashabbuslar muhokama qilindi. Tadbir ishtirokchilari gender tengligiga erishishni jamiyatning barqaror rivojlanishi va iqtisodiy o‘sishining asosiy omillaridan biri sifatida e’tirof etdilar.

Sayd iventda mamlakatimizda amalga oshirilayotgan islohotlarning xalqaro hamjamiyatdagi ahamiyatini yana bir bor namoyon etdi.  “O‘zbekiston – 2030” strategiyasida belgilangan ayollarning ijtimoiy, iqtisodiy va siyosiy sohalardagi faolligini oshirish bo‘yicha ustuvor vazifalar bilan uzviy bog‘liq ravishda o‘tkazildi.

Shu bilan birga, tadbir  doirasida ikki muhim nashr – Qo‘mita tomonidan tayyorlab, nashr etilgan “Ayol. Tarix. Tamaddun” kitob-albomi hamda “Gender tengligi yo‘lida YUNESKO amaliyoti” to‘plami taqdim etildi. Ushbu nashrlar ayollarning insoniyat taraqqiyoti, ma’naviy va madaniy hayotdagi o‘rnini keng yoritib, global hamkorlikning yangi yo‘nalishlarini belgilab berdi.

Tadbirda so‘zga chiqqan ma’ruzachilar ta’lim, ilm-fan va raqamli sohalarda xotin-qizlar ishtirokini kengaytirish, yetakchilik salohiyatini rivojlantirish, gender stereotiplarni bartaraf etish hamda barcha uchun inklyuziv rivojlanish muhitini yaratish zarurligini ta’kidladilar.

Yakunda  YUNESKO va O‘zbekiston  o‘rtasidagi hamkorlikni chuqurlashtirish, ta’lim, fan, madaniyat va axborot sohalarida gender tengligini ta’minlash bo‘yicha yangi qo‘shma loyihalarni amalga oshirish bo‘yicha kelishuvga erishildi.

Samarqanddagi mazkur tadbir O‘zbekistonning gender tengligini ta’minlash, xotin-qizlar huquq va imkoniyatlarini kengaytirish hamda barqaror rivojlanish yo‘lidagi qat’iy pozisiyasini xalqaro maydonda yana bir bor namoyon etdi.