“Tinchlik yo‘lida birdamlik – umumiy burchimiz”
2025-10-16 12:10:00 / Yangiliklar
Zulayho Maxkamova o‘z chiqishida tinchlik va taraqqiyot sari barqaror harakatlarda fuqarolik jamiyati institutlarining, xususan, nodavlat notijorat tashkilotlarining tutgan o‘rni tobora muhim ahamiyat kasb etayotganini alohida ta’kidladi.
Shuningdek, u ayollar va oilalarning ijtimoiy hayotdagi faolligini oshirish, mahalla darajasida ijtimoiy birdamlikni mustahkamlash, inson huquqlariga rioya etilishini ta’minlash borasida amalga oshirilayotgan islohotlar va ilgari surilgan takliflar haqida so‘z yuritdi.
“Intimak” kuni tadbiri ilk bor O‘zbekistonda o‘tkazilmoqda. “Intimak” atamasi Qirg‘iz tilidan tarjima qilinganda “birdamlik” degan ma’noni anglatib, bu tashabbus 2023-yildan buyon Qirg‘izistonda ijtimoiy hamjihatlik va ishonchni mustahkamlashga qaratilgan platforma sifatida faoliyat yuritib kelmoqda.
Tadbirda Markaziy Osiyo mamlakatlari o‘rtasidagi o‘zaro ishonch va yaqinlashuv jarayonlari nafaqat Farg’ona vodiysi, balki butun mintaqa xalqlari birdamligining yaqqol ifodasi ekani qayd etildi.
Forum davomida nodavlat notijorat tashkilotlari ishtirokida tinchlikni ta’minlash, ijtimoiy barqarorlikni mustahkamlash va taraqqiyot yo‘lida xalqaro hamkorlikni kengaytirishga qaratilgan dolzarb taklif va tashabbuslar ilgari surildi.