Jonibekova Xusniyobonu Ergashvoy qizi
2024-03-07 10:50:00 / Zulfiya qizlari
2000-yil 19-avgustda Xo‘jaobod tumanida tug‘ilgan, millati o‘zbek.
Andijon viloyati Xo‘jaobod tumani “Gara guri” mahalla fuqarolar yig‘inidagi yoshlar yetakchisi.
Viloyatning eng ilg‘or va tashabbuskor yoshlaridan. Jamoat ishlaridagi faolligi, izlanuvchanligi va tashkilotchiligi bilan yoshlar va aholi o‘rtasida katta hurmat qozongan.
Yoshlar parlamenti a’zosi, “Kelajak liderlari” klubining xorijiy tajribani o‘rganish yo‘nalishi koordinatori.
Mahalladagi yoshlar yetakchisi sifatida “Yoshlar bilan ishlash kengashi”, “Bir nuroniyga 10 nafar yosh”, “Qalqon” guruhlari faoliyatini samarali yo‘lga qo‘yib, yoshlarning ijtimoiy faolligini oshirishga katta hissa qo‘shmoqda.
Uning tashkilotchiligida mahalladagi 629 nafar yoshlar bilan muntazam ishlanib, “Yoshlar daftari”ga kiritilgan 38 nafar yoshlarga moddiy va ma’naviy yordam ko‘rsatilgan.
Shuningdek, 25 nafar yoshlarning bandligini ta’minlab, 12 nafar xotin-qizlarni kasb-hunarga o‘qitgan, 7 nafar yoshlarga imtiyozli kredit asosida tadbirkorlik faoliyatini yo‘lga qo‘yishga ko‘maklashgan.
2021-yilda “Milliy tiklanish” demokratik partiyasi tomonidan o‘tkazilgan “XXI asr ayoli” ko‘rik-tanlovining viloyat bosqichida “Eng bilimdon talaba” nominatsiyasi bo‘yicha g‘olib bo‘lgan.
2021-yilda Xitoy milliy boshqaruv akademiyasi tomonidan tashkil qilingan “Osiyo millatlari davlat xizmatchilari uchun davlat boshqaruvi” onlayn o‘quv-seminarida qatnashib, sertifikat bilan taqdirlangan.
2022-yilda “Yoshlar milliy yuksalish drayverlari” respublika forumida faol ishtirok etib, diplom bilan taqdirlangan.
2022-yilda «Экономика и социум» xalqaro elektron ilmiy jurnalida “Bog‘cha yoshidagi bola shaxsining psixologik rivojlanishiga oilaviy muhitning ahamiyati” mavzusidagi maqolasi chop etilgan.
2023-yilda Yoshlar ishlari agentligi tomonidan o‘tkazilgan “Yilning eng namunali yoshlar yetakchisi” tanlovining viloyat bosqichida “Alohida e’tiborga muhtoj bo‘lgan yoshlar bilan samarali ishlagan eng yaxshi yoshlar yetakchisi” nominatsiyasi bo‘yicha g‘olib bo‘lgan.