O‘zbekiston Respublikasi Oila va xotin-qizlar qo‘mitasi

Tuman (shahar) va mahallalar kesimida tahlil qilish va vazifalarni belgilab olish ruhida o‘tgan yig‘ilishda “Hamroh” tadbirkor ayollarni qo‘llab-quvvatlash dasturi doirasida amalga oshiriladigan ishlar; Xotin-qizlar tadbirkorlik markazlarida xotin-qizlarni o‘qitish ishlarining borishi; Kasanachilik va xonadonlarda uy mehnati bilan shug‘ullanuvchi xotin-qizlarni qo‘llab-quvvatlash masalalari keng tahlili qilindi.

Kun tartibidagi masalalar yuzasidan “Hamroh” xotin-qizlar tadbirkorligini qo‘llab-quvvatlash kompaniyasi” bosh direktori D.Nurmatova, Kambag‘allikni qisqartirish va bandlik vaziri o‘rinbosari A.Muratov, Xalq banki boshqaruvi raisi o‘rinbosari G.Rashidova, Mikrokreditbank boshqaruvi raisi o‘rinbosari Sh.Ibragimova, Milliy bank boshqaruv raisi o‘rinbosari B.Rixsiyev, Turon banki boshqaruv raisi o‘rinbosari D.Ibragimova, Uzsanoatqurilishbank boshqaruv raisi o‘rinbosari Sh.Yakubov, Biznesni rivojlantirish banki departament rahbari A.Xasanov, Asaka banki departament rahbari M.Axmedjanov, Agrobank departament rahbari G‘.Norboyevlar so‘zga chiqib, o‘zlari masʼul bo‘lgan yo‘nalishlarda amalga oshirilayotgan ishlar, shuningdek, galdagi vazifalar haqida batafsil maʼlumot berildi.

Ayrim kamchiliklar, sust borayotgan jihatlarni jadallashtirish, xotin-qizlarni tdbirkorlikka yo‘naltirish, faoliyatini kengaytirish istagida bo‘lgan ayollarga ko‘maklashish borasida mahallalar kesimida ishlash bo‘yicha Bosh vazir o‘rinbosari tomonidan tegishli topshiriqlar berildi.