O‘zbekiston Respublikasi Bosh vazir o‘rinbosari – Oila va xotin-qizlar qo‘mitasi raisi Z.Maxkamova raisligida korrupsiyaga qarshi kurashish masalasida videoselektor yig‘ilishi bo‘lib o‘tdi.
2025-03-15 19:50:00 / Yangiliklar
Unda O‘zbekiston Respublikasi Bosh prokuraturasi mas’ul xodimi Avazbek Yusupov, hududiy studiyalarda Qoraqalpog‘iston Respublikasi Oila va xotin-qizlar qo‘mitasi raisi , viloyatlar hamda Toshkent shahar oila va xotin-qizlar boshqarmalari boshliqlari, tuman, shahar hokim o‘rinbosarlari – Oila va xotin-qizlar bo‘limlari boshliqlari, mas’ul xodimlari, xotin-qizlar faollari, “Oqila ayollar harakati” a’zolari ishtirok etdi.
🔸 Joriy yilning 5 mart kuni Davlatimiz rahbari tomonidan o‘tkazilgan Korrupsiyaga qarshi kurashish milliy kengashi yig‘ilishida berilgan topshiriqlar to‘g‘risida Bosh prokuratura mas’ul xodimi Avazbek Yusupov batafsil ma’lumot berdi.
✅ Shuningdek, qonun buzilishi va korrupsion holatlarning oldini olishning mexanizmlari, yangicha yondashuvlar yuzasidan fikrlar bildirildi.