O‘zbekiston Respublikasi Oila va xotin-qizlar qo‘mitasi

Markaziy Osiyoda ayollar hanuz davlat idoralarida, aynicha chegarabo‘yi hududlarida yetarlicha taqdim etilmay kelmoqda. Ayollarning huquqlari va imkoniyatlarini kengaytirish va zarur ko‘nikmalar ularga berilishini ta’minlash uchun seminar Qozog‘iston, Qirg‘izston, Tojikiston, Turkmaniston va O‘zbekistonning muhim davlat idoralari, shu jumladan, chegara va bojxona xizmatlari, huquq-tartibot organlari, migratsiya xizmatlari va huquqni himoya qiluvchi muassasalarining 20 nafar vakillarini jamladi. 
Ishtirokchilar kasbiy va shaxslararo ko‘nikmalarni rivojlantirish, ish joyida gender muammolarni hal qilish va chegarabo‘yi hamkorligini mustahkamlashga qaratilgan sessiyalarda faol ishtirok etdilar. Tadbir, shuningdek, chegarabo‘yi hamjamiyatlarida ishlayotgan ayollar o‘rtasida o‘zaro aloqalarni  o‘rnatish va eng yaxshi amaliyotlar bilan almashish uchun muhim platforma bo‘lib xizmat qildi. 
«Ushbu seminar butun mintaqadan kelgan hamkasblar bilan muloqot qilish, tajriba almashish va kasbiy vazifalar echimini topish uchun noyob imkoniyat bo‘ldi. Chegarabo‘yi hududlarida gender inklyuzivligini ilgari surish haqida bizlarga qimmatli bilimlarni taqdim etgan holda, seminar tarmoqlararo hamkorlikka ko‘mak berishi bilan ayniqsa muhim ahamiyatli bo‘ldi»,- deya o‘zining taassurotlarini izhor qildi ishtirokchilardan biri, Dana Sagynbek xonim, Qozog'iston Respublikasi Moliya vazirligining Davlat daromadlari qo'mitasi hodimi.
✅ Mazkur tadbir chegarabo‘yi hududlarida davlat muassasalari salohiyatini rivojlantirishga yo‘naltirilgan BOMKA 10 quyi komponentini muhim bir qismi bo‘ldi. Ayollarni davlat tuzilmalarida qo‘llab-quvvatlab va chegarabo‘yi hamjamiyatlarida ular tomonidan vazifalarni yechimini topish qobiliyatlarini mustahkamlab, Yevropa Ittifoqi Markaziy Osiyoning chegarabo‘yi hududlarini barqaror rivoji va xavfsizlikni mustahkamlash yo‘lida ko‘mak berishga intilmoqda.