O‘zbekiston Respublikasi Oila va xotin-qizlar qo‘mitasi

Bugun Nurafshon shahrida Oila va xotin-qizlar qoʻmitasi tashabbusi sifatida “Oila bogʻi” barpo etildi.
Koʻchat ekish tadbirida Bosh vazir oʻrinbosari -  Oila va xotin-qizlar qoʻmitasi raisi Zulayho Mahkamova ishtirok etdi.
Bosh vazir oʻrinbosari tomonidan taʼkidlanganidek, Onalar bogʻ barpo etgan joylarda, “Oila bogʻi” qad rostlagan manzillarda farzandlar ham albatta, ona tabiatga mehrli boʻladi, ularda ekologik madaniyat shakllanadi, yuksaladi, ekologik qadriyatlar eʼzozlanadi, ularga tabiatni asrab-avaylashga intilish, tashabbuskorlik, izchillik, mehnatsevarlikni oʻrgatishga xizmat qiladi. 
Ona Oʻzbekistonimizning yanada barqaror rivojlanishi uchun, barqaror turmush uchun, baxt va farovonlik barqaror boʻlgan oilalar uchun ayollarimiz munosib hissa qoʻshishiga ishonamiz. Ayollarimiz bu borada bosh targʻibotchi, bosh tashkilotchi boʻlishi kerak.
Biz joylarda “Oila bogʻi” barpo etish orqali, ayollar, onalar tashabbusi orqali shu vatanni muqaddas deb bilgan barcha yurtdoshlarimizni bunyodkorlikka chorlaymiz, tabiatni asrab-avaylashga munosib hissa qoʻshishga,  bogʻlar barpo etishda faollik koʻrsatishga chaqiramiz, 
Shuningdek,  oilalarda madaniyatni oshirish, atrof-muhitni muhofaza qilish va tabiatni asrab-avaylash sohasidagi intellektual va ilmiy salohiyatdan toʻliq foydalanish darajasini koʻtarish muhim ahamiyatga ega. Chunki inson bugun tabiatga boʻlgan munosabatining javobini ertaga, albatta, oladi. 
Maʼlumot uchun - Qoʻmita tomonidan hududiy boshqarmalar, boʻlimlar va mahalladagi xotin-qizlar faollariga “Dolzarb 5 kunlik”, “Har bir xotin-qizdan – 5 tup nihol” shiori ostida “Onalar yashil makon uchun!” aksiyasi yoʻlga qoʻyildi.
Aksiya doirasida Qoʻmita tizimidagi 6 mingdan ziyod xodimlar tomonidan 30 ming tup daraxt koʻchatlari ekilmoqda.
Ijtimoiy himoyaga muhtoj, yolgʻiz onalar va boquvchisi yoʻq oilalarni qoʻllab-quvvatlash maqsadida ularning xonadonlariga koʻchatlar ekishga koʻmaklashilmoqda.
Tuman (shahar)larda tashkil etilgan “Onalar bogʻlari” da  2021 yil 24174 ta, 2022 yil  38322 ta, 2023 yil 46065 ta  va 2024 yil esa 56080 ta mevali va manzarali daraxtlar ekilgan.