O‘zbekiston Respublikasi Oila va xotin-qizlar qo‘mitasi

Shu munosabat bilan joriy yilning Oila va xotin-qizlar qo‘mitasi tashabbusi bilan 16-yanvar kuni soat 15:00 da Alisher Navoiy nomidagi O‘zbekiston Milliy kutubxonasida “Kitobxon onalar kuni” loyihasi doirasida “Kitobxon harbiy oilalar” mavzusida adabiy-badiiy kecha tashkil etildi.

Adabiy-badiiy kechada O‘zbekiston Respublikasi Mudofaa vazirligi, Milliy gvardiya, Favqulodda vaziyatlar vazirligi, O‘zbekiston Respublikasi Bojxona qo‘mitasi, DXX Chegara qo‘shinlari, Ichki ishlar vazirligi harbiylari, “Oqila ayollar harakati” a’zolari, shuningdek, Zoom platformasi orqali respublikaning barcha hududlaridan faol kitobxon ayollar ishtirok etdi. Tadbir davomida harbiy oilalarda sog‘lom ma’naviy muhitni shakllantirish, farzandlarni kitobga oshno etish, ularning dunyoqarashi va vatanparvarlik tuyg‘ularini mustahkamlash masalalariga alohida e’tibor qaratildi.

Tadbirda so‘zga chiqqanlar yoshlarni Vatanga sadoqat, yuksak ma’naviyat va bilimga intilish ruhida tarbiyalashda onalarning o‘rni beqiyos ekanini ta’kidladi. U farzandlarda kitobxonlik madaniyatini shakllantirish, badiiy adabiyotga muhabbat uyg‘otishda sog‘lom oilaviy muhit, ota-onaning shaxsiy namunasi va tarbiyadagi mas’uliyati muhim ahamiyat kasb etishini qayd etdi.

Mazkur tadbir harbiy oilalarda kitobxonlikni keng targ‘ib etish, onalarning tarbiyadagi mas’uliyatini yanada oshirish, oilaviy qadriyatlarni mustahkamlash hamda yosh avlodni ma’naviy barkamol etib voyaga yetkazishga xizmat qilmoqda.