O‘zbekiston Respublikasi Oila va xotin-qizlar qo‘mitasi

Mazkur qarorga muvofiq, mahallalar kesimida xotin-qizlar va bolalar o‘rtasida jinoyatchilikka olib keluvchi omillarni barvaqt aniqlash, ijtimoiy xavfli holatlarni oldindan bartaraf etish, huquqbuzarliklarning oldini olishga qaratilgan manzilli, tizimli va profilaktik mexanizmlarni joriy etish ko‘zda tutilgan.

Shu maqsadda tashkil etilgan seminar-treningda Oila va xotin-qizlar qo‘mitasi bo‘lim boshlig‘i Sh. Sobirova, Pastdarg‘om tumani hokimi o‘rinbosari — Oila va xotin-qizlar bo‘limi boshlig‘i N. Qorayeva, shuningdek, tegishli tashkilotlar vakillari hamda mahallalardagi xotin-qizlar faollari ishtirok etdi.

Tadbirlar davomida mahallalarda xavfsiz muhitni shakllantirish, oilalarda barqarorlikni ta’minlash, xotin-qizlar va bolalarni huquqbuzarliklardan himoya qilish, ijtimoiy xavfli holatlarning oldini olishda idoralararo hamkorlikni kuchaytirish masalalari muhokama qilinib, joylardagi real holatdan kelib chiqqan holda profilaktik ishlarni yanada samarali tashkil etish bo‘yicha amaliy tavsiyalar berilmoqda.