O‘zbekiston Respublikasi Oila va xotin-qizlar qo‘mitasi

Muloqot davomida mahallalarda o'tgan 2025-yilda olib borilgan ishlar, oilalarda yuzaga kelayotgan muammolar, ajrimlar, oilaviy zo‘ravonlik, ota-onalik mas’uliyati, ayollar va bolalar taqdiri bilan bog‘liq masalalar atroflicha muhokama qilindi. Shuningdek, faollar, mutasaddilar va mas’ul idoralar vakillari bilan ochiq muloqot tashkil etildi.

Muloqotlar chog'ida oilaviy muammolarning mohiyati va shakli o‘zgargani, bugungi kunda faqat ehtiyojmand yoki “Ayollar daftari”ga kiritilgan oilalar bilan emas, balki barcha ayollar, xususan, jamiyatda faol bo‘lgan, biroq ruhiy yoki ijtimoiy muammolarga duch kelayotgan ayollar bilan ham tizimli ishlash zarurligi ta’kidlandi.

🔹 Mediatsiya instituti faoliyatiga alohida e’tibor qaratilib, mahallalarda mediatorlar bilan ishlash, nizolarni sudgacha hal etish, ajrimlarning oldini olishda mediatsiya imkoniyatlaridan samarali foydalanish muhimligi qayd etildi.

🔹 Shuningdek, ichkilikbozlik, giyohvandlik, zo‘ravonlik holatlari mavjud oilalar bilan manzilli va kompleks yondashuv asosida ishlash, tibbiyot, ichki ishlar, ta’lim va mahalla tizimi o‘rtasidagi hamkorlikni kuchaytirish zarurligi ta’kidlandi.

Bundan tashqari, xotin-qizlar faolining kasbiy mahoratini oshirish hamda inson omilini kamaytirish, yuqori samaradorlikka erishish maqsadida sohaga sun'iy intellekt imkoniyatlaridan unumli foydalanish bo'yicha mutaxassislar ishtirokida o'quv-mashg'ulot tashkil etildi.

Yig‘ilish yakunida mas’ullarga quyidagi ustuvor vazifalar belgilab berildi:

- Har bir ajrim holati bo‘yicha sabab va ildiz omillarni chuqur o‘rganish, ajrimdan keyingi bolalar taqdirini nazoratga olish;
- Mahallalarda oila va xotin-qizlar bilan ishlashda mediatsiya mexanizmlarini keng joriy etish, mediatorlar salohiyatini oshirish;
- Oilaviy zo‘ravonlik, erta homiladorlik, giyohvandlik va boshqa salbiy holatlarning oldini olish bo‘yicha mavjud holatlarni tahlil qilish hamda aniq choralar ko‘rish.

- Oilalar daromadini oshirish orqali farovonligiga erishish.

Bosh vazir o‘rinbosari tomonidan belgilangan vazifalar ijrosi qat’iy nazoratga olinishi, har bir holatga befarq bo‘lmasdan, inson taqdiri nuqtayi nazaridan yondashish zarurligi alohida ta’kidlandi.