O'zbekiston Texnik Jihatdan tartibga solish agentligining texnik jihatdan tartibga solish sohasida nazorat inspeksiyasi

✅ Texnik jihatdan tartibga solish sohasida nazorat inspeksiyasi tomonidan o‘tkazilgan navbatdagi nazorat xaridlari davomida bir nechta hududlarda sifatsiz mahsulotlar aniqlanib, ularni savdodan chiqarish choralari ko‘rildi. 📍Andijon shahrida Xitoyda ishlab chiqarilgan P.I.T savdo belgili PMI180-C1 rusumdagi invertorli payvandlash apparati “Texnik vositalarning elektromagnit mosligi to‘g‘risidagi umumiy texnik reglament” talablariga nomuvofiq deb topildi. Ushbu apparatdan foydalanish metallning ortiqcha qizishiga, apparatning tez ishdan chiqishiga va payvand sifatining past bo‘lishiga sabab bo‘lishi mumkin. 📍Sirdaryo viloyatida “TMT” MCHJ savdo do‘konida Xitoyda ishlab chiqarilgan “NIKURA” brendli elektr choynak mahsuloti sinovdan o‘tkazilib, standart talablariga javob bermasligi aniqlangan. Mutaxassislar bu mahsulotdan foydalanish iste’molchi hayoti, sog‘lig‘i va mol-mulkiga xavf tug‘dirishini qayd etishdi. 📍 Xorazm viloyatining Urganch shahrida esa “EXTRUS” barashkali kraynik mahsuloti sinov natijalariga ko‘ra belgilangan standartlarga nomuvofiq ekani ma’lum bo‘ldi. Mazkur kraynik bosimga bardosh bermasligi oqibatida xonadonda suv toshishi va iqtisodiy zarar yetkazishi mumkin. 🛡Mutaxassislar eslatadi: arzon narxdagi sifatsiz vositalar foydadan ko‘ra ko‘proq zarar keltiradi. 📞 Hurmatli iste’molchilar! Agar savdo rastalarida sifatsiz mahsulotlarga duch kelsangiz, 1880 qisqa raqamiga qo‘ng‘iroq qiling.