Samarqandda qurilish mahsulotlari ishlab chiqarilishi ustidan davlat nazorati kuchaytirilmoqda
2026-03-26 11:20:00 / Yangiliklar
Samarqand viloyati, Samarqand shahrida joylashgan, ko‘p bo‘shliqli temir-beton yopma plitalar ishlab chiqaruvchi “B.B.I.Q” MChJda davlat nazorati tadbiri o‘tkazildi.
O‘tkazilgan tekshiruv davomida O‘zbekiston Respublikasining “Iste’molchilarning huquqlarini himoya qilish to‘g‘risida”gi, “Standartlashtirish to‘g‘risida”gi hamda “Metrologiya to‘g‘risida”gi Qonunlari talablariga rioya etilmagani aniqlandi.
Xususan, mahsulotlar belgilangan tartibda tamg‘alanmagan, davriy sinovlardan o‘tkazilmagan, shuningdek, sifat guvohnomasi rasmiylashtirilmasdan realizatsiya qilingan.
Aniqlangan huquqbuzarliklar yuzasidan jamiyat rahbariga nisbatan ma’muriy huquqbuzarlik to‘g‘risida bayonnoma rasmiylashtirilib, tegishli hujjatlar sudga yuborildi.