Ikki nafar og‘ir atletikachining doping-sinamasida taqiqlangan moddalar aniqlandi
2026-10-15 14:10:00 / Yangiliklar
Joriy yil sentyabr oyida o‘tkazilgan og‘ir atletika bo‘yicha kattalar va yoshlar o‘rtasidagi O‘zbekiston kubogi musobaqasi doirasida sportchilar Ibragimov Komiljon va Tursunboyev Muslimbekdan olingan doping-sinamalar tahlili natijalarida taqiqlangan moddalar aniqlandi.
Jumladan, K.Ibragimovning doping-sinamasida furosemid, M.Tursunboyevning sinamasida esa metenolon (metenolone) — anabolik-androgen steroid aniqlangan.
Ma’lumot uchun, mazkur moddalar Butunjahon antidoping agentligi (WADA)ning 2026-yilgi Taqiqlangan moddalar va usullar ro‘yxatiga kiritilgan bo‘lib, ulardan musobaqa davrida ham, musobaqadan tashqari davrda ham foydalanish taqiqlangan.
Ayni paytda ushbu holatlar yuzasidan belgilangan tartibda o‘rganish ishlari olib borilmoqda. Tekshiruvlar yakunlanib, tegishli qaror qabul qilinganidan so‘ng O‘zbekiston Milliy antidoping agentligi tomonidan rasmiy bayonot beriladi.