Toza sport yo‘lida global hamkorlik va uyg‘unlashuv

O‘zbekiston Milliy antidoping agentligi (O‘zMADA) O‘zbekiston Sport vazirligi, Butunjahon antidoping agentligi (WADA) hamkorligida Toshkent shahrida nufuzli xalqaro tadbir bo‘lib o‘tadi.

2026-yil yanvar oyida bir-biriga uyg‘un tarzda — Osiyo Olimpiya Kengashining 46-Bosh Assambleyasi ham o‘tkaziladi. Tadbirlarda ishtirok etish uchun mamlakatimizga Xalqaro olimpiya qo‘mitasi va Butunjahon antidoping agentligining yuqori martabali rasmiylari tashrif buyurishi kutilmoqda.

Tadbir davomida “Global antidoping boshqaruvini mustahkamlash: uyg‘unlashtirish, muvofiqlik va mintaqaviy hamkorlik” mavzusida xalqaro konferensiya ham o‘tkaziladi. Mazkur konferensiyada Italiya antidoping agentligi direktori professor Fabio Pigozzi, Germaniya Sport universiteti Kyoln laboratoriyasi direktori, MDI vitse-prezidenti professor Mario Thevis, Polsha antidoping agentligi direktori Mixal Rinkovskiy, Litva antidoping agentligi direktori Ruta Banite hamda boshqa nufuzli mehmonlar maʼruzalari bilan ishtirok etishi kutilmoqda.

Bundan tashqari, Mintaqaviy antidoping tashkiloti (RADOCA) Boshqaruv Kengashining 2026-yilgi yillik yig‘ilishi ham poytaxtimiz mezbonligida bo‘lib o‘tadi.

Toshkent shahrida o‘tkaziladigan mazkur xalqaro anjuman jahon sport hamjamiyatida dopingga qarshi kurash sohasida global boshqaruvni mustahkamlash, xalqaro standartlarni uyg‘unlashtirish va mintaqaviy hamkorlikni kengaytirishga xizmat qiladi.

---------------------------------------------------------------

#Xalqaro_konferensiya

2026-yil yanvar oyida “Global antidoping boshqaruvini mustahkamlash: uyg‘unlashtirish, muvofiqlik va mintaqaviy hamkorlik” mavzusida xalqaro konferensiya o‘tkaziladi.

Mazkur konferensiyada bir qator xalqaro ekspertlar o‘z maʼruzalari bilan ishtirok etishadi. Jumladan, Italiya antidoping agentligi prezidenti professor Fabio Pigozzi “Dopingga qarshi kurashda Italiya milliy qonunchiligining ro‘li” mavzusida maʼruzasi bilan qatnashadi.