Osiyo o‘yinlari oldidan antidoping bo‘yicha profilaktik seminarlar o‘tkazilmoqda
2026-07-15 12:10:00 / Yangiliklar
Shu maqsadda O‘zbekiston Milliy antidoping agentligi tomonidan Angren shahrida o‘quv-mashg‘ulot yig‘inlarida ishtirok etayotgan taekvondo va karate federatsiyalari sportchilari uchun profilaktik seminarlar tashkil etildi. Unda Butunjahon antidoping kodeksining yangi tahriridagi o‘zgarishlar, sportchilarning huquq va majburiyatlari, terapevtik istisno (TI) olish tartibi hamda dori vositalari va biologik faol qo‘shimchalardan foydalanish bo‘yicha muhim tavsiyalar berildi.
Seminar yakunida sportchilarni qiziqtirgan savollarga mutaxassislar tomonidan batafsil javob berildi. Mazkur tadbirlar sportchilarning antidoping savodxonligini oshirish, qoidabuzarliklarning oldini olish hamda Osiyo o‘yinlarida mamlakatimiz sharafini halol va munosib himoya qilishga xizmat qiladi.