O‘zbekiston va Ozarbayjon antidoping agentliklari hamkorlik memorandumini imzoladi
2026-06-06 12:40:00 / Yangiliklar
Memorandum antidoping ta’limi, doping nazorati, terapevtik istisnolar (TUE), sportchilarning biologik pasporti (ABP), ADAMS tizimi, natijalarni boshqarish, surishtiruv va tergov faoliyati hamda xalqaro sport tadbirlarida hamkorlikni rivojlantirishni nazarda tutadi. Shuningdek, tomonlar tajriba almashish, qo‘shma o‘quv dasturlarini tashkil etish, axborot va metodik materiallar bilan o‘zaro hamkorlik qilish hamda zaruratga ko‘ra sportchilarni testdan o‘tkazish bo‘yicha hamkorlikni yo‘lga qo‘yadilar.
Mazkur memorandum O‘zbekiston Milliy antidoping agentligining xalqaro hamkorlik geografiyasini yanada kengaytirish, ilg‘or tajribalarni joriy etish va milliy antidoping tizimini xalqaro standartlar asosida takomillashtirish borasidagi izchil sa’y-harakatlarining navbatdagi amaliy natijasidir. Agentlik tomonidan xorijiy hamkorlar bilan uzoq muddatli va ko‘p qirrali hamkorlik aloqalarini rivojlantirish orqali mamlakatimizda toza va adolatli sport muhitini mustahkamlashga alohida e’tibor qaratilmoqda.