Navbatdagi manzil Andijon: yuzdan ortiq sportchilar o'quv kursni yakunlab sertifikat olishga erishdi
2026-05-18 19:50:00 / Yangiliklar
Andijon Olimpiya va paralimpiya sport turlariga tayyorlash markazida O‘zbekiston Milliy antidoping agentligi tomonidan seminar-trening o‘tkazildi. Tadbirda 100 dan ortiq sportchilar ishtirok etib, halol sport tamoyillari va xalqaro antidoping standartlari bo‘yicha bilimlarini mustahkamlashga muvaffaq bo‘ldilar.
Seminar davomida sportchilarga antidoping qoidabuzarliklari, taqiqlangan moddalar ro‘yxati va sportchining huquq hamda majburiyatlari haqida batafsil tushuntirish berildi. Shuningdek, talim-uznada.uz platformasidan foydalanish bo‘yicha amaliy ko‘rsatmalar taqdim etildi. Sportchilar mazkur platformada taqdim etilgan ma'lumot va qoidalarni o‘qib, o‘z bilimlarini sinovdan o‘tkazib, yakunda sertifikat olishga erishdilar.
Tadbir yakunida sportchilar nafaqat bilimlarini kengaytirib, balki xalqaro musobaqalarda dopingdan xoli, halol raqobat muhitida ishtirok etishlari uchun muhim tajribaga ega bo‘ldilar.