O‘zbekiston Respublikasi Qonuni va Prezident Qarorining mazmun-mohiyatiga bag‘ishlangan matbuot anjumani o‘tkazildi
2026-03-30 15:00:00 / Yangiliklar
O‘zbekiston Respublikasining “Jismoniy tarbiya va sport to‘g‘risida”gi Qonuni hamda O‘zbekiston Respublikasi Prezidentining “Sport sohasini moliyalashtirish mexanizmlarini takomillashtirish va sohaga tadbirkorlik subyektlarini jalb qilishni kengaytirish chora-tadbirlari to‘g‘risida”gi Qarori mazmun-mohiyatiga bag‘ishlangan matbuot anjumani tashkil etildi.
Matbuot anjumanida Sport vazirligi, Savdo-sanoat palatasi, Milliy antidoping agentligi, Milliy Olimpiya qo‘mitasi, O‘zbekiston Futbol assotsiatsiyasi rahbariyati, tadbirkorlar shuningdek ommaviy axborot vositalari vakillari ishtirok etdi. Milliy Olimpiya qo‘mitasi studiyasidan esa sport federatsiyalari bosh kotiblari, respublika hududlaridan O‘zbekiston Savdo-sanoat palatasi hududiy rahbarlari boshchiligida ilg‘or tadbirkorlik subyektlari ham onlayn tarzda qatnashdilar.
Tadbir davomida Qonun va karorning asosiy yangiliklari, unda nazarda tutilgan mexanizmlar hamda sport sohasini yana-da rivojlantirishga qaratilgan ustuvor yo‘nalishlar yuzasidan batafsil maʼlumotlar berildi.
Matbuot anjumani yakunida ommaviy axborot vositalari vakillari tomonidan berilgan savollarga mutasaddilar tomonidan batafsil javoblar berildi.