Davlat xizmatida yangi avlod kadrlari: “Kelajak liderlari” ishtirokchilari loyihalarini himoya qildi
2026-10-02 15:00:00 / Yangiliklar
O‘zbekiston Respublikasi Prezidenti huzuridagi Davlat siyosati va boshqaruvi akademiyasida “Kelajak liderlari” qo‘shma qayta tayyorlash ta’lim dasturi tinglovchilarining stajirovka yakunlari bo‘yicha hisobotlari va bitiruv loyiha ishlari himoyasi o‘tkazildi.
🗣Tinglovchilar stajirovka davomida o‘rgangan mahalliy va xalqaro ilg‘or tajribalarini o‘z loyihalarida aks ettirib, davlat boshqaruvidagi dolzarb masalalar yuzasidan aniq takliflarini taqdim etdilar.