Musulmon olami uchun tabarruk Ramazon oyi kirib kelmoqda. Xalqimizni ezgu amallar bilan birlashtiradigan, mehr-oqibatni kuchaytiradigan, tinchlik-farovonlikka shukronalikni ko‘paytiradigan ushbu oy katta mamnuniyat bilan kutib olinmoqda.
2026-02-18 11:50:00 / Yangiliklar
Bugun Hufton namozidan so‘ng viloyatimizning barcha joylari qatori To‘raqo‘rg‘on tumanidagi 12 ta jom’e masjidlarida ham tarobeh namozlari o‘qiladi.
Namozxonlarga qulay sharoit yaratish, ibodatlarini osoyishta va tartibli tashkil etishga hozirgacha alohida tayyorgarlik ishlari olib borildi.
Tuman hokimi Sherali Qosimov Yortepada “Kamolxon eshon buva”, Kuymozordagi “Kuyukmozor”, Isvaxon mahallasidagi “Isvaxon”, Ozod mahallasidagi “Yandama” jom’e masjidlarida bo‘lib, ana shu hozirliklarni ko‘zdan kechirdi. Bunda tozalikka e’tibor qaratish, tungi yoritish, harakat xavfsizligini ta’minlash masalalari bo‘yicha mas’ullar ma’lumot berdilar.
Muborak oyda qilingan toat-ibodatlar, niyatlar ijobat bo‘lsin!
To‘raqo‘rg‘on tumani hokimligi
Axborot xizmati