6-Xalqaro Markaziy Osiyo ayol fermerlari forumi ishtirokchilari ko‘hna Axsikentni ziyorat qildilar
2026-02-13 14:00:00 / Yangiliklar
Xabar qilinganidek, Namanganda “Central Asia Agrowomen–2026” 6-Xalqaro Markaziy Osiyo ayol fermerlari forumi bo‘lib o‘tmoqda. Asosiy tadbirdan so‘ng ishtirokchilar viloyatimizning diqqatga sazovor joylari va namunali ish tashkil etilgan hududlari bilan tanishishga taklif etildilar.
Mehmonlar, jumladan, 3000 yillik tarixga ega Axsikent arxeologiya parkini ham ziyorat qildilar. Ularga ob’ektga 2017 yildan boshlab muhtaram Prezidentimiz tashabbuslari bilan alohida e’tibor berilayotgani, qariyb 150 yildan buyon arxeologiya qazishmalari va tadqiqotlar davom ettirilayotgan bo‘lsada, so‘nggi uch yilda u jahonga yuz tutayotgani, hozirda bu yerda keng ko‘lamli qurilish va obodonlashtirish ishlari davom etayotgani, Sirdaryo sohillarini ham ekoturizm manzilgohiga aylantirish uchun katta loyihalar amalga oshirilayotgani haqida ma’lumot berildi.
Ziyoratchilar bu tarixiy joydan topilgan qadimiy ashyolar, barpo etilayotgan muzey va boshqa yangiliklar bilan tanishdilar.
To‘raqo‘rg‘on tumani hokimligi
Axborot xizmati