“Birlashgan” mahallasida keng ko‘lamli ijtimoiy profilaktik tadbirlar tashkillandi
2026-02-12 09:30:00 / Yangiliklar
Bugun “Birlashgan” mahallasida shu mazmundagi tadbirlar davom etdi. Ertalabki yo‘riqnomada amalga oshiriladigan ishlar belgilab olindi. So‘ngra rahbarlarning sayyor qabuli boshlandi. Unda shaxsan tuman hokimi Sherali Qosimov, tuman prokurori Ahmadxon Yusupov, IIB boshlig‘i Jahongir Xusaynov, soliq inspeksiyasi boshlig‘i Mirzali Isomitdinovlar fuqarolarning ichki yo‘llarni asfaltlashtirish, pasport olish, aliment undirish, og‘ir yuk avtomobillarini qatnovini cheklash, uy-joy bilan ta’minlash, “Ayollar daftari” ro‘yxatiga kirish, meros ajratilishi, kredit zarurati, chiqindi tashib ketilishi, ichimlik suvi ta’minotini yaxshilash kabi masalalardagi murojaatlarini eshitib, ularning yechimini o‘z nazoratlariga olib, mas’ullarga ko‘rsatma berdilar.
Shuningdek, tibbiyot xodimlari xonadonma-xonadon yurib, sog‘lom hayot targ‘iboti bilan mashg‘ul bo‘ldilar.
Rahbarlar 3-umumta’lim maktabining yuqori sinf o‘quvchilari bilan kelajak uchun aniq maqsad asosida harakat qilish haqida muloqot ham o‘tkazdilar.
Ijtimoiy profilaktik tadbirlar davom etadi.
To‘raqo‘rg‘on tumani hokimligi
Axborot xizmati