Hokim va yoshlar uchrashuvi: murojaatlar tinglandi, mas’ullarga vazifalar berildi
2026-02-07 10:00:00 / Yangiliklar
Bugun “Hokim va yoshlar” uchrashuvida tuman hokimi Sherali Qosimovga biriktirilgan 40 nafar yoshlarning masalalarini prokuror Ahmadxon Yusupov, IIB boshlig‘i Jahongir Xusaynovlar ham birgalikda ko‘rib chiqishdi. Ularning aksariyati muammolar emas, balki imkoniyatlar tufayli bilim olish va kasb-hunar o‘rganish, ishga joylashib hayotda o‘z yo‘llarini topishga harakat qilishayotganini bildirdilar. Ayrimlari ishga joylashish va tadbirkorlikni boshlashga yordam so‘radilar.
Uchrashuvdan so‘ng ishsiz yoshlarga biriktirilgan rahbarlar bilan tahliliy yig‘ilish o‘tkazildi. 368 nafar yoshlarning bandligi ta’minlangani, shundan 178 nafari doimiy ishga joylangani, 102 nafariga daromad topish uchun asbob-uskuna bilan ta’minlangani aytib o‘tildi. Mas’ullarga masalaga jiddiy qarashlari, hech bir yosh e’tiborsiz qolmasligi topshiriqlari berildi.
To‘raqo‘rg‘on tumani hokimligi
Axborot xizmati