Viloyat hokimi Shavkatjon Abdurazzoqov Axsikent arxeologik parki hamda unga yondosh hududlarda amalga oshirilayotgan ishlarni ko‘zdan kechirdi.
2026-01-20 17:00:00 / Yangiliklar
So‘ngra Axsikentda yangi bunyod etilgan eksponatlar muzeyi, Umarshayh Mirzoning ramziy kaptarxonasida bo‘lindi. Muzeyni o‘ziga xos dizaynda jihozlash bo‘yicha takliflar bildirildi. X-XII asrlarga oid yerosti suv inshooti qoldiqlari ustini yopish bo‘yicha bajarilayotgan ishlar ham ko‘rib chiqildi.
Shuningdek Sirdaryo sohillarida tashkil etilayotgan hordiq chiqarish maskanlaridagi jarayonlar ko‘zdan kechirildi. Xususan, uch kilometrlik «Salomatlik yo‘lakchasi» qurilishi, «Axsikent» oilaviy hordiq chiqarish majmuasi faoliyati o‘rganildi.
Viloyat hokimi yaqinlashib kelayotgan yangi turizm mavsumida sayyohlar oqimini ko‘paytirish choralarini ko‘rish zarurligi bo‘yicha mutaxassislarga ko‘rsatmalar berdi. Ayniqsa, shu hududda istiqomat qiluvchilar turizm orqali daromad ko‘rish maqsadida mehmon uylarini ochishlari zarurligi aytildi.
To‘raqo‘rg‘on tumani hokimligi
Axborot xizmati