Shaxsiy_qabul
2026-10-29 10:35:00 / Yangiliklar
Toşkent tumanida aholi murojaatlari örganilib, dolzarb muammolarga amaliy yeçimlar topildi
Aholini qiynayotgan muammolarni joyida örganiş, fuqarolarning dardu taşvişlariga bevosita yeçim topiş hamda ularning bugungi kunidan rozi bölişini ta’minlaş maqsadida joriy yilning 30-oktabr kuni Toşkent tumani Xalq qabulxonasida navbatdagi sayyor qabul bölib ötdi. Tuman hokimi Sardorbek Ergaşev boşçiligida, tuman IIB boşliği A. Inoğomov, Soliq inspeksiyasi rahbari S. Abduvaliyev hamda Xalq qabulxonasi mudiri örinbosari A. Raximovlar iştirokida taşkil etilgan uşbu oçiq muloqotda fuqarolar tomonidan kötarilgan yigirmadan ortiq dolzarb ijtimoiy-iqtisodiy masalalar atrofliça va çuqur tahlil qilindi.
Yuzma-yuz va samimiy ruhda keçgan muloqotlar davomida aholining turmuş farovonligini yaxşilaşga qaratilgan hayotiy ehtiyojlar — kommunal sohadagi mavjud muammolarni bartaraf etiş, ijtimoiy himoya va kömakka muhtoj oilalarni har tomonlama qöllab-quvvatlaş hamda fuqarolar bandligini ta’minlaş kabi muhim yönalişlar yuzasidan murojaatlar diqqat bilan tinglandi. Har bir fuqaroning dardi mas’ullar tomonidan alohida e’tibor va daxldorlik hissi bilan örganilib, köplab qiyinçiliklarga şu joyning özidayoq amaliy yeçim topildi hamda murojaatçilarga tezkor huquqiy maslahat va moddiy yordam körsatildi.
Hal etilişi qöşimça vaqt, mablağ hamda joyiga çiqqan holda çuqurroq örganişni taqozo etadigan murakkab murojaatlar böyiça tegişli idora va taşkilotlar mutasaddilariga qat’iy topşiriqlar berildi. Fuqarolarning qonuniy manfaatlarini ta’minlaş va uşbu masalalarning öz vaqtida, tölaqonli hamda sifatli ijrosini taşkil etiş maqsadida aniq muddatlar belgilanib, barça jarayonlar tuman hokimligining doimiy va qat’iy nazoratiga olindi.