Xotin-qizlar masalasi doimiy e’tibor markazida

Bosh vazir o'rinbosari tumanning “Mingchinor” mahallasida ko‘chaboshi, oqila, faol ayollar bilan uchrashdi. 

Suhbat davomida oilaviy qadriyatlarni mustahkamlash, xotin-qizlarning jamiyatdagi rolini oshirish, onalik va bolalikni muhofaza qilish masalalariga qaratilayotgan e’tibor haqida fikr bildirildi, o‘zgarishlar e’tirof etildi.

Soha mas’ullari tomonidan oila va xotin-qizlarni tizimli qo‘llab-quvvatlash, ayollarning iqtisodiy, ijtimoiy va siyosiy faolligini oshirish, sog‘lig‘ini saqlash borasidagi imkoniyat va imtiyozlar xususida ma’lumot berildi.

Shuningdek, mahallada xotin-qizlar bandligini ta’minlash borasidagi tajriba o‘rganildi, ularning huquqiy savodxonligini oshirishga qaratilgan tavsiya va ko‘rsatmalar berildi.