Urumchi shahrida O‘zbekiston va Xitoy turizm tadbirkorlari ishtirokida tadbir bo‘lib o‘tdi

Mazkur tadbir 2023-yilning noyabr oyida Urumchi shahrining “Xunguan” bog‘ida Turizm qo‘mitasi va O‘zbekistonning Xitoydagi elchixonasi bilan hamkorlikda ochilib, foydalanishga topshirilgan O‘zbekiston pavilioni – “Registon” maydonida o‘tkazildi.

Tadbirda Turizm qo‘mitasi raisining birinchi oʻrinbosari D.Abdusalamov, Toshkent viloyati hokimi Z.Mirzayev va Samarqand shahar hokimi F.Umarov, Shinjon-Uyg‘ur avtonom rayoni savdo boshqarmasi boshlig‘i Liu Boa, Tyantszyan savdo byurosi direktori Li Chjiang, Shinjon-Tyanszin savdo palatasi prezidenti Ling Cheng va boshqa rasmiylar ishtirok etishdi.

Mazkur tadbirda mamlakatimizning barcha hududidan tadbirkorlar va turistik kompaniya vakillari tashrif buyurdilar. Tadbirda O‘zbekistonning boy madaniyati, turizm va investitsion salohiyati, shuningdek, so‘ngi yillarda turizm sohasida amalga oshirilayotgan islohotlarlar haqida ma’lumot berildi.

Ta’kidlash joizki, so‘nggi yillarda Xitoy va O‘zbekiston o‘rtasida savdo, iqtisodiy, turizm va boshqa yo‘nalishlarda ikki tomonlama aloqalar mustahkamlanib bormoqda. Ushbu uchrashuvlardan asosiy maqsad ikki tomon tadbirkorlik subyektlarini tanishtirish hamda mamlakatimizga Xitoydan sayyohlar oqimini oshirish ko‘zda tutilgan.