Qarshi tumani "Talikuron" mahallasida tashkil etilgan markazlashgan pillaxonada ilmiy-amaliy seminar bo‘lib o‘tdi
2026-04-20 10:05:00 / Yangiliklar
Unda Bosh vazir o‘rinbosari – Oila va xotin-qizlar qo‘mitasi raisi Zulayho Maxkamova ishtirok etdi.
Seminar davomida pillachilikni zamonaviy usullar asosida rivojlantirish orqali aholi daromadini oshirish mumkinligi alohida ta’kidlandi. Mutaxassislar tomonidan pilla yetishtirishni samarali yo‘lga qo‘yish, yetishtiruvchilarning moddiy manfaatdorligini kuchaytirish hamda xonadonlarga tarqatilgan ipak qurtlarini to‘g‘ri parvarishlash bo‘yicha amaliy tavsiyalar berildi.
Shuningdek, tutzorlar barpo etish, uy sharoitida ipak mahsulotlari ishlab chiqarishni yo‘lga qo‘yish imkoniyatlari haqida ham tushunchalar berildi.
Ayniqsa, ishsiz xotin-qizlarni ushbu sohaga jalb etish orqali ularning bandligini ta’minlash va daromadini oshirish muhim yo‘nalish sifatida qayd etildi.