Zulfiya nomidagi Davlat mukofoti sovrindorlari bilan uchrashuv

Bosh vazir o‘rinbosari o‘z chiqishida bilim, iste’dod, tashabbus va ibratli faoliyati bilan tengdoshlariga namuna bo‘layotgan qizlarni har tomonlama qo‘llab-quvvatlash Yangi O‘zbekiston siyosatining ustuvor yo‘nalishlaridan biri ekanini ta’kidladi.

Mamlakatimizda xotin-qizlarni e’zozlash, ularning ezgu orzu-intilishlarini qo‘llab-quvvatlash, iqtidor va salohiyatini ro‘yobga chiqarishga alohida e’tibor qaratish maqsadida viloyatdagi ixtisoslashtirilgan umumta’lim maktablari va oliy ta’lim muassasalarida tahsil olayotgan iqtidorli qizlar ishtirokida Zulfiya nomidagi Davlat mukofoti sohibalari bilan uchrashuv tashkil etildi.

Zulfiya nomidagi Davlat mukofoti sovrindorlari uchrashuv davomida o‘z yutuqlari, izlanishlari va kelgusidagi maqsadlari haqida so‘z yuritdi. Tadbir yoshlar, ayniqsa, qizlarning ilm-fan, ta’lim, ijod va jamoatchilik hayotidagi faolligini yanada oshirishga xizmat qiladigan ochiq va samimiy muloqot ruhida o‘tdi.