Bir guruh tadbirkor ayollar bilan ochiq muloqot o‘tkazildi
2026-02-24 10:15:00 / Yangiliklar
Bosh vazir o‘rinbosari — Oila va xotin-qizlar qo‘mitasi raisi Zulayho Mahkamova Farg‘ona viloyatida tadbirkorlik faoliyatini yo‘lga qo‘yish va uni rivojlantirish istagidagi xotin-qizlar bilan muloqot o‘tkazdi.
Uchrashuvda hududdagi banklar vakillari, shuningdek, tegishli boshqarma va idoralar mutasaddilari ham ishtirok etdi
Muloqot davomida xotin-qizlarni kasb-hunar va tadbirkorlik ko‘nikmalariga o‘qitish, ularning biznes tashabbuslarini qo‘llab-quvvatlash, amaldagi soliq imtiyozlari, davlat mulki obyektlarini bir davlat tashkilotidan boshqasiga operativ boshqaruv huquqi asosida beg‘araz berish tartibi, shuningdek, “usta-shogird” an’anasi asosida kasb-hunarga o‘rgatish kabi masalalar atroflicha muhokama qilindi.
Uchrashuv yakunida xotin-qizlar tadbirkorligini kengaytirish, moliyaviy va tashkiliy ko‘mak mexanizmlarini yanada takomillashtirish bo‘yicha taklif va tavsiyalar bildirildi.