Namanganda yana bir xalqaro tadbir - Markaziy Osiyo fermer ayollari forumi bo’lib o’tdi

Namangan shahridagi “Maʼrifat maskani” mezbonlik qilgan “Central Asia Agrowomen–2026” oltinchi xalqaro Markaziy Osiyo ayol fermerlari forumida mamlakatimizning turli viloyatlari, shuningdek, Tojikiston va Qirg‘izisiton Respublikalaridan tashrif buyurgan  fermer ayollar ishtirok etdi.

Yevropa xavfsizlik va hamkorlik tashkilotining O‘zbekistondagi loyihalar koordinatori, iqtisodiy va ekologik bo‘limi rahbari Zilke Klyover ayollarning agrar sohadagi ishtiroki mintaqaviy barqarorlik, oziq-ovqat xavfsizligi va ekologik taraqqiyot uchun muhim ahamiyat kasb etishini qayd etdi.

Shuningdek, Osiyo Taraqqiyot Bankining O‘zbekistondagi vakolatxonasi rahbari Kanokpan Lao-Arayya forum qatnashchilariga videotabrik yo‘llab, bank tomonidan ayollar tadbirkorligi hamda qishloq xo‘jaligi sohasida amalga oshirilayotgan loyihalar haqida maʼlumot berdi.

Forum doirasida ayol fermerlarni qo‘llab-quvvatlash, xalqaro tajriba almashish, innovatsion yechimlar va hamkorlikni kengaytirish masalalari muhokama qilindi.

Forum o‘z ishini muhokamalar, taqdimotlar va tajriba almashuvlari bilan davom ettirdi.