Oila va xotin-qizlar sohasida ustuvor vazifalar amaliy muhokamada

Seminar avvalida Bosh vazir o‘rinbosari - Oila va xotin-qizlar qo‘mitasi raisi Zulayho Maxkamova ishtirok etib, sohada amalga oshirilayotgan islohotlar, ustuvor vazifalar hamda hududlarda xotin-qizlar bilan ishlash samaradorligini oshirish masalalariga to‘xtalib o‘tdi.

Shuningdek, mazkur seminar Zulfiya davlat mukofotiga nomzodlar hujjatlarini puxta va sifatli tayyorlash, shuningdek, xotin-qizlar bandligi va daromadlarini oshirishga qaratilgan “Daromadli ayol” kooperatsiya loyihalarini samarali ishlab chiqish masalalariga bag‘ishlangan. Seminar davomida hujjatlar tayyorlashda yagona yondashuvni shakllantirish, amaliy tajriba almashish hamda loyihalarning ijtimoiy samaradorligini oshirishga qaratilgan muhim tavsiyalar ishlab chiqiladi.

Ushbu amaliy seminar hududlarda xotin-qizlar bilan ishlash tizimini yana-da takomillashtirish, istiqbolli loyihalarni shakllantirish va davlat mukofotlariga munosib nomzodlarni saralash jarayonlarini tizimli yo‘lga qo‘yishda muhim ahamiyat kasb etadi. Shuningdek, seminar orqali mahallada ayollar faolligini oshirish, ularning iqtisodiy mustaqilligini taʼminlash hamda ijtimoiy tashabbuslarni qo‘llab-quvvatlashga qaratilgan ishlar yana-da yangi bosqichga ko‘tariladi.