O‘zbekiston – Koreya agrar hamkorligida yangi bosqich

Safar doirasida O‘zbekiston va Koreya Respublikasi Bosh vazirlari o‘rinbosarlari hamraisligida Iqtisodiy hamkorlik bo‘yicha yuqori darajadagi 6-yig‘ilish bo‘lib o‘tdi. Platformada O‘zbekiston delegatsiyasi savdo va investitsiya oqimini kengaytirish, iqtisodiy sheriklikni sifat jihatidan yangi bosqichga olib chiqishga qaratilgan taklif va tashabbuslarni taqdim etdi.

Yig‘ilishda amaliy loyihalarni jadallashtirish, o‘zaro hamkorlik mexanizmlarini kuchaytirish hamda strategik sheriklikni mustahkamlash masalalari keng muhokama qilindi.

Shuningdek, Janubiy Koreyaning yetakchi kompaniyalari va moliyaviy institutlari rahbarlari ishtirokida O‘zbekiston–Koreya biznes davra suhbati tashkil etildi. Unda agrar sohada investitsiyaviy hamkorlikning yangi yo‘nalishlari, ilg‘or texnologiyalarni O‘zbekiston qishloq xo‘jaligiga joriy etish va yuqori samaradorlikka ega qo‘shma loyihalar istiqbollari ko‘rib chiqildi.

Tashrif davomida o‘tkazilgan uchrashuv va muzokaralar O‘zbekiston–Koreya agrar hamkorligini yanada mustahkamlash, xalqaro maydondagi o‘zaro ishonch va amaliy sheriklikni kuchaytirish sari muhim qadam bo‘lib xizmat qilmoqda.