“Xotin-qizlar uchun cheksiz imkoniyatlar: Qoraqalpog‘iston tajribasi” Respublika konferensiyasi bo‘lib o‘tdi.

Mazkur anjuman xotin-qizlarning iqtisodiy faolligini oshirish, tadbirkorlik va hunarmandchilik sohalariga keng jalb etish, mahalliy tajribalarni umumlashtirish hamda mamlakat miqyosida ommalashtirishga qaratilgan.

Anjumanda vazirlik va idoralar rahbarlari, tijorat banklari mutasaddilari, hududiy hotin-qizlar masalalari bo‘yicha o‘rinbosarlar, tadbirkor ayollar, OAV vakillari hamda jami 300 nafardan ortiq ishtirokchilar qatnashmoqda.

Konferensiya doirasida milliy liboslar namoyishi, “Qaraqalpaq avulı” milliy majmuasiga amaliy tashrif, shuningdek, Nukus shahri “Nauqan bog'‘” mahallasida tadbirkor va hunarmand xotin-qizlar mahsulotlarining ko‘rgazmasi tashkil etildi. Ko‘rgazmada turli hududlarda faoliyat yuritayotgan xotin-qizlar o‘z mahsulot va xizmatlarini namoyish etib, o‘zaro tajriba almashmoqda.

Anjumanning ochilish marosimida O‘zbekiston Respublikasi Bosh vazirining o‘rinbosari — Oila va xotin-qizlar qo‘mitasi raisi Zulayho Maxkamova hamda Qoraqalpog‘iston Respublikasi Jo‘qorg'i Kengesi raisi Amanbay O‘rinbaev so‘zga chiqib, ular tomonidan xotin-qizlarning iqtisodiy va ijtimoiy faolligini oshirish maqsadida yaratilgan keng imkoniyatlar, hududlarda muvaffaqiyatli yo‘lga qo‘yilgan amaliy tajribalar xususida batafsil ma’lumot berildi.