Hokimiyat haqida
Mirzacho‘l tumani hokimligi O‘zbekiston Respublikasi Konstitutsiyasi, O‘zbekiston Respublikasining “Mahalliy davlat hokimiyati to‘g‘risida”gi Qonuni, O‘zbekiston Respublikasining “Davlat hokimiyati va boshqaruvi organlari faoliyatining ochiqligi to‘g‘risida”gi Qonuni, O‘zbekiston Respublikasi Prezidentining hududiy davlat boshqaruvi organlari faoliyatini takomillashtirishga oid farmon va qarorlari, shuningdek Vazirlar Mahkamasining tegishli qarorlari hamda boshqa normativ-huquqiy hujjatlarga muvofiq faoliyat yuritadi.
Mirzacho‘l tumani hokimligi O‘zbekiston Respublikasi Konstitutsiyasi, qonunlari, Oliy Majlis palatalarining qarorlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari, Jizzax viloyati hokimining qaror va farmoyishlari hamda boshqa normativ-huquqiy hujjatlarda belgilangan vakolatlarni amalga oshirishda davlat organlari va boshqa tashkilotlar bilan hamkorlik qiladi.
Mirzacho‘l tumani hokimligi tuzilmasi va boshqaruv apparati xodimlarining cheklangan soni O‘zbekiston Respublikasi Prezidenti hamda Vazirlar Mahkamasining tegishli qarorlari bilan belgilanadi.
Mirzacho‘l tumani hokimligi boshqaruv apparati o‘z faoliyatida O‘zbekiston Respublikasi Konstitutsiyasi, O‘zbekiston Respublikasining qonunlari, Oliy Majlis palatalarining qarorlari, O‘zbekiston Respublikasi Prezidenti hujjatlari, Vazirlar Mahkamasining qarorlari va farmoyishlari, boshqa normativ-huquqiy hujjatlar, shuningdek Mirzacho‘l tumani hokimligi boshqaruv apparati to‘g‘risidagi Nizom talablariga amal qiladi.
Mirzacho‘l tumani hokimligi boshqaruv apparati o‘z faoliyatini tuman hokimi rahbarligida amalga oshiradi. Tuman hokimi qonunchilikda belgilangan tartibda lavozimga tayinlanadi va lavozimidan ozod etiladi hamda xalq deputatlari tuman Kengashi tomonidan tasdiqlanadi.
Mirzacho‘l tumani hokimligining asosiy vazifalari hududni ijtimoiy-iqtisodiy rivojlantirish, aholi farovonligini oshirish, tadbirkorlikni qo‘llab-quvvatlash, investitsiyalarni jalb etish, fuqarolarning murojaatlarini ko‘rib chiqish hamda davlat dasturlari ijrosini ta’minlashdan iborat.
Mirzacho‘l tumani hokimligi tomonidan Prezident farmon va qarorlariga muvofiq ravishda hududni kompleks rivojlantirish, investitsiyalar jalb qilish va fuqarolarning huquqiy manfaatlarini himoya qilish borasida tizimli ishlar olib borilmoqda.
Hokimlik, ijtimoiy ko‘rsatkichlar
-
Hokim: Mirzakulov Batirjon Kazakbayevich, 2024-yil 20-fevraldan hokim lavozimida faoliyat yuritmoqda. Aloqa manzili: O‘zbekiston ko‘chasi, 29‑a uy, Mirzacho‘l tumani. Telefon: +998 72 312‑21‑32, +998 72 312‑21‑11. E‑pochtasi: mirzachul@jizzax.uz