Yoshlar bilan uchrashuv: bilim va kasbga yo‘naltirish masalalari muhokama qilindi
2026-10-05 09:10:00 / Yangiliklar
Uchrashuvda Bog‘bon MFY raisi S.Tuymurodova so‘zga chiqib, bugungi kunda yoshlarning bilim va salohiyatini oshirish, ularni zamonaviy bilim va kasblarga yo‘naltirish, xorijiy tillarni o‘rganishga bo‘lgan qiziqishini yanada kuchaytirish hamda bo‘sh vaqtlarini mazmunli tashkil etish mahalla va ta’lim muassasalari oldida turgan muhim vazifalardan biri ekanini ta’kidladi.
Shuningdek, yoshlarning o‘z qiziqish va qobiliyatlarini ro‘yobga chiqarishi, zamonaviy kasblarni egallashi hamda kelajakda munosib o‘rin topishi uchun yaratilayotgan imkoniyatlardan samarali foydalanish muhimligi qayd etildi.
Yoshlar bilan bunday ochiq muloqotlar ularning taklif va tashabbuslarini o‘rganish, mavjud muammolarni aniqlash hamda ularni qo‘llab-quvvatlashda muhim ahamiyat kasb etadi.