Shaxsiy qabul davomida fuqarolar tomonidan tadbirkorlikni qo‘llab-quvvatlash, bandlikni ta’minlash, kredit va subsidiya masalalari, moddiy yordam hamda boshqa ijtimoiy-iqtisodiy yo‘nalishlardagi murojaatlar ko‘rib chiqildi.
Bildirilgan murojaatlar yuzasidan tegishli mutasaddilar ishtirokida muhokamalar o‘tkazilib, amaliy yechim talab etuvchi masalalar bo‘yicha aniq chora-tadbirlar belgilandi. Joyida hal etish imkoniyati mavjud murojaatlar ijobiy hal qilindi, qo‘shimcha o‘rganish zarur bo‘lgan masalalar esa ijrosi nazoratga olinib, mas’ul tashkilotlarga topshirildi.
Fuqarolar murojaatlari bilan tizimli ishlash, ularning muammolariga o‘z vaqtida yechim topish hamda aholi farovonligini oshirishga qaratilgan ishlar Mirzacho‘l tumanida izchil davom ettirilmoqda.