Yaponiya bilan hamkorlik: yoshlar bandligini ta'minlash yo‘lidagi muhim qadam
2026-07-09 09:35:00 / Yangiliklar
Uchrashuvda Migratsiya agentligi bosh mutaxassisi Akbarali Mirzayev, JICA GROW loyihasi bosh eksperti Kuroda Kiyohiko, JICA GROW loyihasi eksperti Jo‘rabek Hasanov, Proud Partners kompaniyasi vakillari Yoshida Kazuhiro hamda Zulayho Ibrohimovalar ishtirok etdi.
Tadbir davomida markaz faoliyati yuzasidan taqdimot o‘tkazilib, yoshlarni yapon tili, madaniyati va zamonaviy kasblarga o‘qitish, ularni Yaponiya mehnat bozoriga tayyorlash hamda munosib ish o‘rinlari bilan ta'minlash borasida amalga oshirilayotgan ishlar muhokama qilindi.
Shuningdek, Mirzacho‘lda yapon tili maktabini rivojlantirish, texnikum hududida yapon bog‘ini barpo etish hamda O‘zbekiston–Yaponiya hamkorligini yanada kengaytirish yuzasidan fikr almashilib, kelgusidagi istiqbolli loyihalar belgilab olindi.
Mazkur uchrashuv yoshlarning xorijiy tillarni puxta egallashi, kasbiy salohiyatini oshirishi va xalqaro mehnat bozorida munosib o‘rin egallashiga xizmat qiladigan muhim qadamlardan biri bo‘ldi.