Jizzax viloyati Mirzacho‘l tumani hokimligi

Tadbir davomida Mavlonovlar oilasining jamiyat rivojiga qo‘shayotgan munosib hissasi, ustozning psixologiya sohasidagi samarali faoliyati, yoshlar va shogirdlariga ko‘rsatayotgan beg‘araz yordamlari alohida e’tirof etildi.
Shuningdek, oilaning oliy ma’lumotli va el-yurt koriga yarayotgan farzandlari, mahalladagi obro‘-e’tibori, tarbiya topayotgan nevaralarining odobi hamda ustozning shogirdlari erishayotgan yutuqlar tadbir ishtirokchilari tomonidan katta mamnuniyat bilan tilga olindi.
Mavlonovlar oilasi bugungi kunda o‘zaro hurmat, mehr-oqibat, farzand tarbiyasi va jamiyatdagi faolligi bilan ko‘plab oilalarga ibrat bo‘lib kelmoqda. Ana shunday fidoyi va namunali oilalarning qadrlanishi yurtimizda inson qadri ulug‘lanayotganining yana bir amaliy ifodasidir.