Tomdi, Uchquduq, Karmana tumanlari hamda Zarafshon shahrida tadbirkorlik subyektlari bilan uchrashuvlar tashkil qilindi
2024-11-13 16:30:00 / Yangiliklar
Joriy yilning 12 – 13-noyabr kunlari Navoiy viloyatining Tomdi, Uchquduq, Karmana tumanlari hamda Zarafshon shahrida faoliyat olib borayotgan tadbirkorlar, yer qa’ri foydalanuvchilari bilan uchrashuvlar, davra suhbatlari tashkil etildi.
Tadbirlarda Tog‘-kon sanoati va geologiya vazirligi mas’ullari, Geologiya fanlari universiteti, Navoiy Davlat konchilik va texnologiyalar universiteti rahbariyatlari, “Yer qa’ridan foydalanish markazi” DM, Tog‘-kon sanoati va geologiya sohasini nazorat qilish inspeksiyasi vakillari sohadagi ijobiy o‘zgarishlar, islohotlar, qonunchilikdagi yangiliklar, ilm-fan yutuqlari, muhandislik ishlanmalarini geologiya va tog‘-kon sanoati sohasiga tatbiq qilish haqida taqdimotlar qilishdi.
Shuningdek, tadbirkorlarni, viloyatda faoliyat olib borayotgan ruxsatnoma asosida ishlovchi yer qa’ri foydalanuvchilarini qiziqtirgan savollarga javoblar berildi. Dolzarb masalalar yechimi yuzasidan taklif va mulohazalar tinglandi.
