“Issiqlik elektr stansiyalari” AJda o‘tgan seminarda Kon-geologiya vazirligining korrupsiyaga qarshi kurashish borasidagi ijobiy tajribasi bilan oʻrtoqlashildi
2024-08-23 10:50:00 / Yangiliklar
Joriy yilning 22-avgust kuni Togʻ-kon sanoati va geologiya vazirligining Korrupsiyaga qarshi ichki nazorat boʻlimi boshligʻi Sh.Sagʻdullayev tomonidan “Issiqlik elektr stansiyalari” AJ masʼul xodimlari uchun seminar oʻtkazildi.
Tadbir davomida Oʻzbekiston Respublikasi Prezidentining 2022-yil 12-yanvardagi PQ-81-son qarori talablariga muvofiq, korrupsiyaga qarshi kurashish ishlarining samaradorligini reyting baholash yoʻnalishlari va indikatorlarni bajarish boʻyicha taqdimot materiallari bilan tushuntirib oʻtildi.
Shuningdek, Kon-geologiya vazirligida korrupsiyaga qarshi kurashish sohasida amalga oshirilgan ishlar toʻgʻrisidagi maʼlumotlar bilan tanishtirildi.
Tadbir yakunida ishtirokchilarni qiziqtirgan savollarga javoblar berildi.