O‘zbekiston magmatik tog‘ jinslarining atlasi chop etildi
2024-07-29 16:35:00 / Yangiliklar
Geologiya fanlari universiteti Geologiya va geofizika instituti ilmiy xodimlari tomonidan to‘plangan Oʻzbekiston magmatik togʻ jinslarining atlasi nashr qilindi.
Mazkur atlas loyihasi doirasida respublikamizning yetakchi turdagi magmatik tog‘ jinslarining petrografik xususiyatlari, tarkibi, hosil bo‘lish sharoitlari o‘rganilgan.
Atlas keng tarqalgan magmatik tog‘ jinslarining namunalari va shliflarning fotosuratlari tavsifini o‘z ichiga oladi.
O‘zbekistonda birinchi marta nashr etilgan atlasdan Geologiya fanlari universiteti, O‘zbekiston milliy universiteti, Toshkent davlat texnika universiteti, Piza universiteti Toshkent filiali Geologiya fakultetlari axborot resurs markazlari hamda O‘zbekiston Milliy kutubxonasida foydalanish mumkin.