Gidroingeo instituti xodimlari Chexiya kompaniyasi ekspertining taqdimoti bilan tanishdilar
2024-06-21 17:25:00 / Yangiliklar
Geologiya fanlari universtitetida Chexiyaning GEOtest, a.s kompaniyasi mutaxassisi Pavel Blaha tomonidan dunyoning turli mintaqalaridagi ko‘p yillik tajribasi jamlangan yangi kitob taqdimoti bo‘lib o‘tdi.
Aerotasvirlash, georadar tadqiqotlari, yer osti bo‘shliqlari va quduqlarda geofizik usullardan foydalanish kabi murakkab geofizik usullar kitob muallifi ishtirokida muhokama qilindi.
Shuningdek, zamonaviy elektr tomografiya va seysmik tomografiya usullari haqida ma’lumot berildi. Geofizik usullarni qiyosiy tahlil qilish tajribasi, ushbu zamonaviy usullarning afzalliklari hamda ahamiyati muhim ekanligi ta’kidlandi.