Geologiya fanlari universitetida geoaxborot tizimlari bilan ishlash mavzusidagi seminar o‘tkazildi
2024-04-25 18:25:00 / Yangiliklar
2024-yil 25-aprel kuni Geologiya fanlari universitetida “Micromine 2024.5 dasturiy ta’minotining yangi funksional imkoniyatlari” mavzusida seminar tashkil qilindi.
Seminarda “Micromine geobank dasturiy mahsulotining geologiya sohasida raqamlashtirish imkoniyatlari”, “Micromine Origin dasturiy ta’minotining imkoniyatlari va foydali qazilma konlarini modellashtirishda sun’iy intellektni qo‘llash” hamda “Micromine Alastri yordamida konni loyihalashtirish” kabi mavzularda taqdimotlar qilindi.
Kon-geologiya vazirligi, uning tizimosti korxona va tashkilotlarida geoaxborot tizimlari bo‘yicha faoliyat olib boradigan xodimlar ishtirok etgan tadbirda ekspertlar tomonidan ishtirokchilarni qiziqtirgan savollarga batafsil javob berildi.